എൻ ഐ എ റെയ്ഡ്; 14 പേരെ ഡൽഹിയിലേക്ക് വിമാന മാർഗ്ഗം കൊണ്ടു പോയി.

കേരളം : പോപുലര്‍ ഫ്രണ്ട് ഓഫീസുകളിലെയും നേതാക്കളുടെ വീട്ടിലെയും റെയ്ഡുകളില്‍ കേരളത്തില്‍ ആകെ അറസ്റ്റിലായത് 25 പേര്‍.ഇവരില്‍ 11 പേരെ കൊച്ചി എന്‍.ഐ.എ കോടതിയില്‍ ഹാജരാക്കും. 14 പേരെ ഡല്‍ഹിയിലേക്ക് കൊണ്ടുപോകുകയും ചെയ്യും. കരമന അഷ്‌റഫ് മൗലവി, സാദിഖ് അഹമ്മദ്, ഷിയാസ്, അന്‍സാരി, മുജീബ്, നജ്മുദ്ദീന്‍, സൈനുദ്ദീന്‍, ഉസ്മാന്‍, യഹിയ തങ്ങള്‍, മുഹമ്മദലി, സുലൈമാന്‍ എന്നിവരെയാണ് കോടതിയില്‍ ഹാജരാക്കുക. ഒ.എം.എ സലാം, അബ്ദുറഹ്‌മാന്‍, പി കോയ, അനീസ് അഹമ്മദ്, അഫ്‌സര്‍ പാഷ, അബ്ദുല്‍ വാഹിദ്, ജസീര്‍, ഷഫീര്‍, അബൂബക്കര്‍, മുഹമ്മദ് ബഷീര്‍, നസറുദ്ദീന്‍ എളമരം, അസിഫ് മിര്‍സ, മുഹമ്മദലി ജിന്ന, മുഹമ്മദ് ഷാഹിദ് എന്നിവരെയാണ് ഡല്‍ഹിക്ക് കൊണ്ടുപോകുക.

ഡല്‍ഹിയില്‍ രജിസ്റ്റര്‍ ചെയ്ത കേസില്‍ അറസ്റ്റ് ചെയ്യപ്പെട്ടവരെ പട്യാല ഹൗസ് കോടതിയിലാണ്‌ ഹാജറാക്കുക. ഡല്‍ഹിയിലേക്ക് കേരളത്തില്‍ നിന്നുള്ള പ്രതികളെ ഇന്ന് തന്നെ എത്തിച്ചേക്കുമെന്നാണ് വിവരം. കൊച്ചി കോടതിയില്‍ ഹാജരാക്കുന്നവരെ അറസ്റ്റ് ചെയ്തത്‌ കൊച്ചി എന്‍ഐഎ രജിസ്റ്റര്‍ ചെയ്ത കേസിലാണ്. ഈ മാസം 19 നാണ് ആര്‍.സി 2/ 2022 നമ്ബറില്‍ കേസ് രജിസ്റ്റര്‍ ചെയ്തത്. യുഎപിഎയുടെ വിവിധ വകുപ്പുകള്‍ പ്രകാരമാണ് കേസെടുത്തിരുന്നത്. യുഎപിഎ 13.18. 18 ബി. 38.39 വകുപ്പുകളും ഐപിസി 120 ബി. 153 എയുമാണ് ചുമത്തിയത്.