Agriculture

Entertainment

February 3, 2023

BHARATH NEWS

Latest News and Stories

പി എഫ് ഐ തീവ്രവാദ സംഘടനകളിലേക്ക് ആളെ ചേർക്കാൻ സഹായിക്കുന്നു; എൻ ഐ എ

കേരളം: പോപ്പുലര്‍ ഫ്രണ്ടിന് തീവ്രവാദ ബന്ധമുണ്ടമെന്ന് ദേശീയ അന്വേഷണ ഏജന്‍സിയുടെ (എന്‍ഐഎ) റിമാന്‍ഡ് റിപ്പോര്‍ട്ട്.ഇസ്ലാമിക തീവ്രവാദ സംഘടനകളായ അല്‍ഖ്വയ്ദ, ലഷ്‌കര്‍-ഇ-തെയ്ബ, ഐ.എസ് തുടങ്ങിയവയില്‍ ചേരാന്‍ യുവാക്കളെ പ്രരിരിപ്പിച്ചു. പിഐഫ്‌ഐക്ക് ഇന്ത്യയോടും രാജ്യത്തെ നിയമങ്ങളോടും അസംതൃപ്തി. ഇന്ത്യയില്‍ ഇസ്ലാമിക ഭരണത്തിനായി ഗൂഢാലോചന നടത്തിയെന്നുമാണ് എന്‍ഐഎ കോടതിയില്‍ സമര്‍പ്പിച്ച റിമാന്‍ഡ് റിപ്പോര്‍ട്ടില്‍ പറയുന്നത്.

കേന്ദ്ര അന്വേഷണ ഏജന്‍സികള്‍ നടത്തിയ പരിശോധനയില്‍ ഇത് സംബന്ധിച്ചുള്ള പ്രധാന രേഖകളും മറ്റ് ഡിജിറ്റല്‍ തെളിവുകളും ലഭിച്ചു. അന്വേഷണത്തില്‍ പ്രതികള്‍ ആസൂത്രിതമായ ക്രിമിനല്‍ കുറ്റങ്ങള്‍ ചെയ്തുവെന്നും നിരന്തരം നിയമവിരുദ്ധമായ പ്രവര്‍ത്തനങ്ങള്‍ നടത്തുന്നുവെന്ന് കണ്ടെത്തിയതായും എന്‍ഐഎ റിമാന്‍ഡ് റിപ്പോര്‍ട്ടില്‍ ആരോപിക്കുന്നു.

ജിഹാദിന്റെ ഭാഗമായി തീവ്രവാദ പ്രവര്‍ത്തനങ്ങളില്‍ ഏര്‍പ്പെട്ടു. സര്‍ക്കാരിന്റെ നയങ്ങള്‍ തെറ്റായ രീതിയില്‍ വളച്ചൊടിച്ച്‌ സമൂഹത്തില്‍ വിദ്വേഷ പ്രചാരണം നടത്തി. കേരളത്തില്‍ ഇന്ന് ഹര്‍ത്താല്‍ ആഹ്വാനം ചെയ്തതിലൂടെ ഇവരുടെ വിപുലമായ സ്വാധീനം വെളിവാക്കപ്പെടുന്നതെന്ന് എന്‍ഐഎ വ്യക്തമാക്കി.

പ്രതികള്‍ വിവിധ സമൂഹമാധ്യമ പ്ലാറ്റ്ഫോമുകള്‍ വഴിയാണ് രഹസ്യ വിവരങ്ങള്‍ കൈമാറുന്നത്. ഇത് സംബന്ധിച്ചുള്ള മൊബൈല്‍ ഫോണ്‍ അടക്കമുള്ള രേഖകള്‍ റെയ്ഡില്‍ പിടിച്ചെടുത്തിട്ടുണ്ടെന്ന് എന്‍ഐഎ അറിയിച്ചു. ഇതിന്റെ മിറര്‍ ഇമേജസ് അടക്കം പരിശോധിക്കണമെന്ന ആവശ്യവും ദേശീയ അന്വേഷണ ഏജന്‍സി കോടതിയില്‍ ഉന്നയിച്ചു. ഇതോടെ ഉന്നത ഗൂഢാലോചന വ്യക്തമാകുമെന്ന കാര്യവും റിമാന്‍ഡ് റിപ്പോര്‍ട്ടില്‍ പറയുന്നു.