Agriculture

Entertainment

January 31, 2023

BHARATH NEWS

Latest News and Stories

അധിനിവേശ പ്രദേശങ്ങളിൽ ഹിത പരിശോധനയുമായി റഷ്യ; വിജയിച്ചാൽ യുക്രെയിന്റെ വലിയൊരു ഭൂവിഭാഗം റഷ്യയുടെ കൈയ്യിൽ ആകും.

കീവ് : യുക്രെയിനില്‍ റഷ്യന്‍ അധീനതയിലുള്ള നാല് പ്രദേശങ്ങളില്‍ ഇന്നലെ മുതല്‍ ഹിതപരിശോധന തുടങ്ങി. ഡൊണെസ്ക്, ലുഹാന്‍സ്ക്, ഖേഴ്സണ്‍, സെപൊറീഷ്യ പ്രവിശ്യകളിലാണ് റഷ്യന്‍ ഫെഡറേഷനോട് കൂട്ടിച്ചേര്‍ക്കുന്നതിനുള്ള ഹിത പരിശോധന ആരംഭിച്ചത്.മാസങ്ങളായി റഷ്യയുടെ നിയന്ത്രണത്തിലുള്ള ഇവിടങ്ങളില്‍ റഷ്യ പ്രാദേശിക ഭരണകൂടങ്ങള്‍ സ്ഥാപിച്ചിരുന്നു.

ഇവരുടെ നേതൃത്വത്തിലാണ് ഹിതപരിശോധന നടക്കുന്നത്. ഈ പ്രദേശങ്ങളില്‍ നിന്നുള്ള പൗരന്മാര്‍ക്ക് റഷ്യയിലും വോട്ട് രേഖപ്പെടുത്താന്‍ അവസരമുണ്ട്. 27 വരെ ഹിതപരിശോധന തുടരും. അന്താരാഷ്ട്ര നിയമങ്ങള്‍ക്ക് വിരുദ്ധമാണ് റഷ്യയുടെ ഹിതപരിശോധന. 2014ല്‍ ക്രൈമിയയെ യുക്രെയിനില്‍ നിന്ന് പിടിച്ചെടുത്തത് പോലെ ഈ നാല് പ്രവിശ്യകളെയും തങ്ങള്‍ക്കൊപ്പം ചേര്‍ക്കുകയാണ് റഷ്യയുടെ ലക്ഷ്യം. വിജയിച്ചാല്‍ യുക്രെയിന്റെ 15 ശതമാനത്തോളം ഭൂപ്രദേശം റഷ്യയുടെ കൈയ്യിലാകും.