Agriculture

Entertainment

November 30, 2022

BHARATH NEWS

Latest News and Stories

രാജ്യത്ത് 40 കോടിയോളം ദാരിദ്ര്യരേഖ മറികടന്നു; അഭിനന്ദിച്ച് യു എൻ.

ന്യൂഡല്‍ഹി : ദരിദ്രരുടെ എണ്ണം ഗണ്യമായി കുറയുന്നതില്‍ ഇന്ത്യയെ അഭിനന്ദിച്ച്‌ ഐക്യരാഷ്‌ട്ര സഭ.ഒന്നര പതിറ്റാണ്ടിനിടെ 40 കോടിയിലേറെ ജനങ്ങളാണ് രാജ്യത്ത് ദാരിദ്ര്യരേഖ മറികടന്നത്. 2005-06 നും 2019-21 നും ഇടയില്‍ രാജ്യത്ത് 41.5 കോടി ആളുകള്‍ ദാരിദ്ര്യരേഖ മറികടന്നുവെന്നാണ് റിപ്പോര്‍ട്ട്. 2030 ആകുമ്ബോഴേക്കും ദാരിദ്ര്യത്തില്‍ കഴിയുന്ന ആളുകളുടെ എണ്ണം അനുപാതം പകുതിയാക്കാനുള്ള സുസ്ഥിര വികസനലക്ഷ്യം സാധ്യമാണെന്നതിന് തെളിവാണ് ഇതെന്നും പറയുന്നു.

ഐക്യരാഷ്‌ട്ര വികസന പദ്ധതിയും (യു.എന്‍.ഡി.പി.), ഓക്സ്ഫഡ് പുവര്‍റ്റി ആന്‍ഡ് ഹ്യൂമന്‍ ഡെവലപ്‌മെന്റ് ഇനീഷ്യേറ്റിവും (ഒ.പി.എച്ച്‌.ഐ.) ചേര്‍ന്ന് തയ്യാറാക്കിയ ആഗോള ബഹുമുഖ ദാരിദ്ര്യ സൂചികയിലാണ് ഇക്കാര്യം വ്യക്തമാക്കുന്നത്.ഇത് ചരിത്രപരമായ മാറ്റമാണ് എന്നാണ് ഐക്യരാഷ്‌ട്രസഭ വിശേഷിപ്പിച്ചത്. അതേസമയം കൊറോണ മഹാമാരി മൂലം ആഗോളതലത്തില്‍ ദാരിദ്ര്യ നിര്‍മ്മാര്‍ജ്ജനത്തില്‍ കൈവരിച്ചുകൊണ്ടിരിക്കുന്ന പുരോഗതിയെ 3മുതല്‍10 വര്‍ഷം വരെ പിന്നോട്ട് നയിക്കുമെന്നും റിപ്പോര്‍ട്ടില്‍ പറയുന്നു.

വേള്‍ഡ് ഫുഡ് പ്രോഗ്രാമില്‍ നിന്നുള്ള ഭക്ഷ്യ സുരക്ഷയെക്കുറിച്ചുള്ള വിലയിരുത്തല്‍ പ്രകാരം ഭക്ഷ്യ പ്രതിസന്ധിയില്‍ ജീവിക്കുന്ന ആളുകളുടെ എണ്ണം 2021 ല്‍ 193 ദശലക്ഷമായി വര്‍ധിച്ചു. ഗ്ലോബല്‍ ടൈംസ് ഇന്ഡക്സിന്റെ പട്ടിണി സൂചികയില്‍ ഇന്ത്യ പാകിസ്ഥാനും പിന്നിലെന്ന വാര്‍ത്തയ്ക്ക് പിന്നാലെയാണ് ഐക്യരാഷ്ട്ര സഭയുടെ ഈ കണക്കുകള്‍ പുറത്തു വരുന്നത്. ചൈന, പാകിസ്താന്‍, ശ്രീലങ്ക, ബംഗ്ലാദേശ്, നേപ്പാള്‍, മ്യാന്മര്‍ അടക്കമുള്ള അയല്‍ രാജ്യങ്ങളേക്കാള്‍ പിന്നിലാണ് ഇന്ത്യ എന്നായിരുന്നു ആഗോള പട്ടിണി സൂചികയില്‍ കൊടുത്തിരുന്നത്.