Agriculture

Entertainment

December 7, 2022

BHARATH NEWS

Latest News and Stories

ഞെട്ടിച്ച് ബൈജൂസ്; ലയണൽ മെസി ബ്രാന്റ് അംബാസിഡർ.

ന്യൂഡല്‍ഹി: എഡ്യുടെക് ആപ്പായ ബൈജൂസിന്റെ അംബാസിഡറായി അര്‍ജന്റീനന്‍ ഫുട്ബോള്‍ താരമായ ലയണല്‍ മെസി.എല്ലാവര്‍ക്കും വിദ്യാഭ്യാസം എന്ന പദ്ധതിയുടെ അംബാസിഡറായി ബൈജൂസും മെസിയും തമ്മില്‍ കരാര്‍ ഒപ്പുവച്ചു. ബൈജൂസിന്റെ ജഴ്സി ധരിച്ച്‌ ഖത്തര്‍ ലോകകപ്പിന് ഉപയോഗിക്കുന്ന അല്‍ രിഹ്ല പന്തും പിടിച്ച്‌ നില്‍ക്കുന്ന മെസിയുടെ ചിത്രം പുറത്തുവന്നിട്ടുണ്ട്.ലോകത്തിലെ ഏറ്റവും വലിയ അത്‌ലറ്റിക് താരങ്ങളിലൊരാളുമായുള്ള ഈ ബന്ധം ബൈജൂസിന്റെ ആഗോള വിദ്യഭ്യാസ രംഗത്തേക്കുള്ള കാൽ വെപ്പായിട്ടാണ് കണക്കാക്കുന്നത്.”എല്ലാവരേയും പഠനത്തോട് പ്രണയത്തിലാക്കുക എന്ന അവരുടെ ദൗത്യം എന്റെ മൂല്യങ്ങളുമായി പൂർണ്ണമായി യോജിക്കുന്നതിനാലാണ് ഞാൻ ബൈജൂസുമായി പങ്കാളിയാകാൻ തീരുമാനിച്ചത്,” “ഉയർന്ന നിലവാരമുള്ള വിദ്യാഭ്യാസം ജീവിതത്തെ മാറ്റുന്നു, ലോകമെമ്പാടുമുള്ള ദശലക്ഷക്കണക്കിന് വിദ്യാർത്ഥികളുടെ കരിയർ പാതയെ ബൈജൂസ് മാറ്റിമറിച്ചു. യുവ പഠിതാക്കൾക്ക് മുകളിൽ എത്താനും തുടരാനും പ്രചോദനമാകുമെന്ന് ഞാൻ പ്രതീക്ഷിക്കുന്നു.  മെസ്സി പറഞ്ഞു.ലിയോ മെസ്സി ഫൗണ്ടേഷൻ എന്ന സ്വന്തം ചാരിറ്റബിൾ ഓർഗനൈസേഷനും മെസ്സി നടത്തുന്നുണ്ട്. 2007-ൽ ആരംഭിച്ച ഫൗണ്ടേഷന്റെ പിന്നിലെ ആശയം കുട്ടികൾക്കെല്ലാം അവരുടെ സ്വപ്നങ്ങൾ സാക്ഷാത്കരിക്കാനുള്ള ഒരേ അവസരങ്ങൾ ഉണ്ടായിരിക്കണം എന്നതാണ്.
ബൈജൂസ് 2022 ഖത്തറിൽ നടക്കുന്ന ഫിഫ ലോകകപ്പിന്റെ ഔദ്യോഗിക സ്പോൺസറായാണ് തന്റെ ആഗോള പരസ്യ വിപണിയിലേക്ക് കാൽ വച്ചത്. ഫുട്ബോളിന് ലോകമെമ്പാടുമായി ഏകദേശം 3.5 ബില്യൺ ആരാധകരുണ്ട്, കൂടാതെ ലയണൽ മെസ്സിക്ക് 450 ദശലക്ഷത്തോളം സോഷ്യൽ മീഡിയ ഫോളോവേഴ്‌സുമുണ്ട്.ലോകകപ്പിന് ദിവസങ്ങള്‍ മാത്രം ശേഷിക്കെയാണ് മെസിയെ ബ്രാന്‍ഡ് അംബാസിഡറായി നിയമിച്ചുകൊണ്ടുള്ള ബൈജൂസിന്റെ പ്രഖ്യാപനം.ബൈജൂസിന്റെ മൂല്യം 22 ബില്യൺ ഡോളറാണ്, കൂടാതെ 150 ദശലക്ഷത്തിലധികം പഠിതാക്കളുമുണ്ട്. ബ്ലാക്ക് റോക്ക്, ചാൻ സക്കർബർഗ് ഇനിഷ്യേറ്റീവ്, സെക്വോയ, ജനറൽ അറ്റ്ലാന്റിക്, ടൈഗർ ഗ്ലോബൽ, ക്യുഐഎ തുടങ്ങിയ നിക്ഷേപകരിൽ നിന്ന് കമ്പനി മൊത്തം 5.8 ബില്യൺ ഡോളർ സമാഹരിച്ചിട്ടുള്ളത്.