Agriculture

Entertainment

November 30, 2022

BHARATH NEWS

Latest News and Stories

രാജീവ് ഗാന്ധി വധക്കേസ് പ്രതികൾ ജയിൽ മോചിതരാകും; ഉത്തരവ് സുപ്രീം കോടതിയുടേത്.

 

ഡല്‍ഹി: രാജീവ്‌ഗാന്ധി വധക്കേസിലെ 6 പ്രതികളെ ജയില്‍ മോചിതരാക്കാന്‍ സുപ്രീംകോടതി ഉത്തരവ്. നളിനി, ശ്രീഹര്‍,ആര്‍.പി രവിചന്ദ്രന്‍ എന്നിവര്‍ ഉള്‍പ്പെടെയുള്ളവര്‍ക്കാണ് അനുകൂല വിധിയുണ്ടായിരിക്കുന്നത്.ജീവപര്യന്തംതടവ് അനുഭവിച്ചുകൊണ്ടിരുന്ന പ്രതികളെയാണ് കോടതി ജയില്‍മോചിതരാക്കുന്നത്. പേരറിവാളന്‍ കേസിലെ വിധി ഇവര്‍ക്കും ബാധകമെന്നു കോടതി വ്യക്തമാക്കി.

തന്നെ മോചിപ്പിക്കണമെന്ന് ആവശ്യപ്പെട്ട് നളിനി കഴിഞ്ഞ ആഗസ്തില്‍ സുപ്രീംകോടതിയില്‍ ഹരജി നല്‍കിയിരുന്നു. നളിനി, ഭര്‍ത്താവ് മുരുഗന്‍, ശാന്തന്‍, ജയകുമാര്‍, പേരറിവാളന്‍, രവിചന്ദ്രന്‍,റോബര്‍ട്ട് പയസ് എന്നിവരാണ് രാജീവ് ഗാന്ധി വധക്കേസില്‍ ശിക്ഷിക്കപ്പെട്ടത്. അതില്‍ പേരറിവാളനെ 31 വര്‍ഷത്തെ ജയില്‍വാസത്തിന് ശേഷം സുപ്രിംകോടതിയുടെ ഇടപെടലിനെ തുടര്‍ന്ന് അടുത്തിടെ മോചിപ്പിച്ചിരുന്നു. ഈ പശ്ചാത്തലത്തിലാണ് സമാനമായ വിധി തന്‍റെ കാര്യത്തിലും വേണമെന്ന് ആവശ്യപ്പെട്ട് നളിനി സുപ്രീംകോടതിയെ സമീപിച്ചത്.
ദയാഹരജിയില്‍ തീരുമാനമെടുക്കുന്നത് വൈകിപ്പിക്കാന്‍ ഗവര്‍ണര്‍ക്ക് അധികാരമില്ലെന്ന് ചൂണ്ടിക്കാട്ടിയാണ് സുപ്രീംകോടതി പേരറിവാളനെ മോചിപ്പിച്ചത്. 1991 മെയ് മാസത്തില്‍ ശ്രീപെരുമ്ബത്തൂരിലെ തെരഞ്ഞെടുപ്പ് റാലിക്കിടെ എല്‍.ടി.ടി.ഇയുടെ ചാവേറാക്രമണത്തിലാണ് രാജീവ് ഗാന്ധി കൊല്ലപ്പെട്ടത്.

രാജീവ് ഗാന്ധി വധക്കേസ് പ്രതികളുടെ മോചനത്തിന് എതിരെ പ്രതിഷേധവുമായി കോണ്‍ഗ്രസ്. കോടതി രാജ്യത്തിന്‍റെ വികാരം മനസിലാക്കാത്തത് ദൗര്‍ഭാഗ്യകരമാണ്.സുപ്രീംകോടതിയുടെ തീരുമാനം പൂര്‍ണ്ണമായും തെറ്റ്. അംഗീകരിക്കാനാവില്ലെന്നും ജയറാം രമേശ് പറഞ്ഞു.