Agriculture

Entertainment

December 5, 2022

BHARATH NEWS

Latest News and Stories

ഇന്തോനേഷ്യയിൽ ഭൂചലനം; വ്യാപക നാശനഷ്ടം.

ജക്കാർത്ത, : ഇന്തോനേഷ്യയിലെ വെസ്റ്റ് ജാവ പ്രവിശ്യയിൽ ഇന്ന് 5.6 തീവ്രത രേഖപ്പെടുത്തിയ ഭൂചലനത്തിൽ 50 ലധികം പേർ കൊല്ലപ്പെടുകയും നൂറുകണക്കിന് പേർക്ക് പരിക്കേൽക്കുകയും ചെയ്തു.

പടിഞ്ഞാറൻ ജാവ ഗവർണർ റിദ്‌വാൻ കാമിൽ ഭൂകമ്പത്തിൽ 56 മരണങ്ങൾ സ്ഥിരീകരിച്ചു, തലസ്ഥാനമായ ജക്കാർത്തയിൽ നിന്ന് ഏകദേശം 75 കിലോമീറ്റർ (45 മൈൽ) തെക്കുകിഴക്കായി സിയാൻജൂർ നഗരമാണ് പ്രഭവകേന്ദ്രം, ഇവിടെ കെട്ടിടങ്ങൾ കുലുങ്ങുകയും തകർന്നു വീഴുകയും ചെയ്തിട്ടുണ്ട് മിക്ക ഓഫീസുകളും കെട്ടിടങ്ങളും ഒഴിപ്പിക്കുകയായിരുന്നു.

ഇന്തോനേഷ്യ “പസഫിക് റിംഗ് ഓഫ് ഫയർ” എന്ന് വിളിക്കപ്പെടുന്ന ഒരു ഭൂകമ്പപരമായി സജീവമായ മേഖലയാണ്, അവിടെ ഭൂമിയുടെ പുറംതോടിലെ വിവിധ പ്ലേറ്റുകൾ കൂടിച്ചേരുകയും ധാരാളം ഭൂകമ്പങ്ങളും അഗ്നിപർവ്വതങ്ങളും സൃഷ്ടിക്കുകയും ചെയ്യുന്നു.

തകർന്ന കെട്ടിടങ്ങളുടെ അവശിഷ്ടങ്ങൾക്കിടയിൽ 23 പേർ ഇനിയും കുടുങ്ങിക്കിടക്കുന്നുണ്ടെന്ന് ദേശീയ ദുരന്ത ഏജൻസി (ബിഎൻപിബി) അറിയിച്ചു. സിയാൻജൂരിൽ 1,770-ലധികം വീടുകൾക്ക് കേടുപാടുകൾ സംഭവിക്കുകയും 3,900-ഓളം ആളുകളെ മാറ്റിപ്പാർപ്പിക്കുകയും ചെയ്‌തതായി വക്താവ് അബ്ദുൾ മുഹരി പറഞ്ഞു.