Agriculture

Entertainment

January 31, 2023

BHARATH NEWS

Latest News and Stories

ഓറഞ്ച് തിരയിളക്കത്തിൽ അമേരിക്ക മുട്ടുകുത്തി.

ദോഹ: ലോകകപ്പിന്‍റെ ആദ്യ പ്രീ ക്വാര്‍ട്ടറില്‍ അമേരിക്കയെ തോല്‍പ്പിച്ച നെതര്‍ലന്‍ഡ്‌സ് ക്വാര്‍ട്ടറില്‍. ഒന്നിനെതിരെ മൂന്ന് ഗോളുകള്‍ക്കായിരുന്നു ഓറഞ്ചുപടയുടെ വിജയം. മെംഫിസ് ഡീപേ, ഡാലെ ബ്ലിന്‍ഡ്, ഡെന്‍സല്‍ ഡംഫ്രിസ് എന്നിവര്‍ നെതര്‍ലന്‍ഡ്‌സിനായി വലകുലുക്കിയപ്പോള്‍ അമേരിക്കയുടെ ആശ്വാസ ഗോള്‍ ഹാജി റൈറ്റ് സ്വന്തമാക്കി. ഇത് ഏഴാം തവണയാണ് ഓറഞ്ചുപട ലോകകപ്പിന്‍റെ ക്വാര്‍ട്ടറില്‍ കടക്കുന്നത്.

പതിയെ തുടങ്ങിയ നെതര്‍ലന്‍ഡ്‌സിനെയാണ് മത്സരത്തില്‍ കാണാനായത്. മൂന്നാം മിനിറ്റില്‍ തന്നെ ആദ്യ അവസരം സൃഷ്‌ടിച്ചത് അമേരിക്കയായിരുന്നു. ഡച്ചുപടയുടെ ഓഫ്‌സൈഡ് കെണി പൊളിച്ച ക്രിസ്റ്റ്യന്‍ പുലിസിച്ചിന്‍റെ മികച്ച ഷോട്ട് ഗോള്‍കീപ്പര്‍ നെപ്പോര്‍ട്ടിന്‍റെ ധൈര്യപൂര്‍വമുള്ള സേവ് തുടക്കത്തില്‍ ലീഡ് വഴങ്ങുന്നതില്‍ നിന്ന് ഡച്ചുകാരെ രക്ഷിച്ചു.

എന്നാല്‍ പത്താം മിനിട്ടില്‍ നെതര്‍ലന്‍ഡ്‌സ് തങ്ങളുടെ ക്ലാസ് തെളിയിച്ചു കൊണ്ടുള്ള ഗോളടിച്ച്‌ കളിയുടെ നിയന്ത്രണം പിടിച്ചെടുത്തു. അമേരിക്കന്‍ താരങ്ങളെല്ലാം എതിര്‍പാളയത്തില്‍ നിന്ന ഉചിതമായ സമയത്ത് വണ്‍ടച്ച്‌ പാസുകള്‍ക്കൊടുവില്‍ ഡെന്‍സല്‍ ഡംഫ്രിസ് നല്‍കിയ ക്രോസ് ഡീപേ അനായാസം വലയിലെത്തിക്കുകയായിരുന്നു.