ഗോൾഡൻ ബൂട്ട് എംബാപ്പെക്ക്.

 ഖത്തർ :ലോകകപ്പിലെ ഗോള്‍ഡന്‍ ബൂട്ട് ഫ്രാന്‍സിന്റെ യുവതാരം കൈലിയന്‍ എംബാപ്പെ സ്വന്തമാക്കി.ഫൈനലിന് മുമ്ബ് അഞ്ച് ഗോളുകളുമായി ലയണല്‍ മെസിയും കൈലിയന്‍ എംബാപ്പെയും ഒപ്പമുണ്ടായിരുന്നു. എന്നാല്‍ ഫൈനലില്‍ ഫ്രഞ്ച് താരത്തിന്റെ മിന്നുന്ന ഹാട്രിക്ക് എട്ട് ഗോളുകളുടെ നേട്ടവുമായി അദ്ദേഹത്തെ ഒന്നാമതെത്തിച്ചു.

ലോകകപ്പിലെ ടോപ് സ്‌കോറര്‍ക്കുള്ള ഗോള്‍ഡന്‍ ബൂട്ട് ട്രോഫി ആദ്യമായി സമ്മാനിച്ചത് 1982 സ്പെയിനില്‍ നടന്ന ലോകകപ്പിലാണ്. മത്സരത്തില്‍ ഏറ്റവും കൂടുതല്‍ ഗോള്‍ നേടുന്ന താരത്തിനാണ് ഗോള്‍ഡന്‍ ബൂട്ട് സമ്മാനിക്കുന്നത്. രണ്ടോ അതിലധികമോ കളിക്കാര്‍ ഒരേ എണ്ണം ഗോളുകള്‍ നേടിയാല്‍, അസിസ്റ്റുകളുടെ എണ്ണം നിര്‍ണായകമായിരിക്കും. ഏറ്റവും കൂടുതല്‍ ഗോള്‍ നേടിയ രണ്ടാമത്തെയും മൂന്നാമത്തെയും താരങ്ങള്‍ക്ക് യഥാക്രമം വെള്ളി ബൂട്ടും വെങ്കല ബൂട്ടും സമ്മാനിക്കുന്നു.ഗോള്‍ഡന്‍ ബൂട്ട് വിജയികള്‍

1930: ഗില്ലെര്‍മോ സ്റ്റെബൈല്‍ (8 ഗോളുകള്‍)
1934: ഓള്‍ഡ്രിച്ച്‌ നെജഡ്ലി (5)
1938: ലിയോണിഡാസ് ഡ സില്‍വ (7)
1950: അഡെമിര്‍ ഡി മെനെസെസ് (9)
1954: സാന്‍ഡോര്‍ കോസിസ് (11)
1958: ജസ്റ്റ് ഫോണ്ടെയ്ന്‍, ഫ്രാന്‍സ് (13)
1962: ഫ്ലോറിയന്‍ ആല്‍ബര്‍ട്ട്, ഗാരിഞ്ച, വാലന്റൈന്‍ ഇവാനോവ്, ഡ്രസാന്‍ ജെര്‍കോവിച്ച്‌, ലിയോണല്‍ സാഞ്ചസ്, വാവ (4)

1966: യൂസേബിയോ (9)
1970: ഗെര്‍ഡ് മുള്ളര്‍ (10)
1974: ഗ്രെഗോര്‍സ് ലാറ്റോ (7)
1978: മരിയോ കെംപെസ് (6)
1982: പൗലോ റോസി (6)
1986: ഗാരി ലിനേക്കര്‍ (6)
1990: ടോട്ടോ ഷില്ലാസി (6)
1994: ഒലെഗ് സലെങ്കോയും ഹ്രിസ്റ്റോ സ്റ്റോയ്‌കോവും (6)

1998: ഡാവര്‍ സുക്കര്‍ (6)
2002: റൊണാള്‍ഡോ (8)
2006: മിറോസ്ലാവ് ക്ലോസ് (5)
2010: തോമസ് മുള്ളര്‍ (5)
2014: ജെയിംസ് റോഡ്രിഗസ് (6)
2018: ഹാരി കെയ്ന്‍ (6)
2022: കൈലിയന്‍ എംബാപ്പെ (8)