Agriculture

Entertainment

January 31, 2023

BHARATH NEWS

Latest News and Stories

ഐ എസ് ചാവേർ അക്രമണം; കാബൂളിൽ 20 പേർ കൊല്ലപ്പെട്ടു.

കാബൂള്‍: അഫ്ഗാനിസ്ഥാന്‍ വിദേശകാര്യ മന്ത്രാലയത്തിന് മുന്നിലുണ്ടായ ചാവേര്‍ ബോംബ് സ്ഫോടനത്തില്‍ 20 പേര്‍ കൊല്ലപ്പെട്ടു.എട്ടു പേര്‍ക്ക് പരിക്കേറ്റു. വിദേശകാര്യമന്ത്രാലയ ആസ്ഥാനത്ത് ഇന്നലെ ചൈനീസ് പ്രതിനിധികളുമായുള്ള താലിബാന്‍ അധികൃതരുടെ യോഗം നടക്കുന്നതിനിടെ പ്രാദേശികസമയം നാലുമണിയോടെയായിരുന്നു സ്ഫോടനം.

തോളില്‍ ബാഗുമായി വന്ന ഒരാള്‍ പൊട്ടിത്തെറിക്കുകയായിരുന്നുവെന്ന് ദൃക്സാക്ഷിയായ ഒരു ഡ്രൈവര്‍ പറഞ്ഞു. തന്റെ വാഹനത്തിന് സമീപത്ത് കൂടി ബാഗുമായി ഒരാള്‍ പോകുന്നത് കണ്ടു. അല്പസമയത്തിന് ശേഷം സ്ഫോടനശബ്ദം കേട്ടു. മൃതദേഹങ്ങള്‍ റോഡില്‍ ചിതറിക്കിടക്കുന്ന കാഴ്ച ഭീകരമായിരുന്നു. പരിക്കേറ്റവര്‍ വേദനയില്‍ പുളഞ്ഞ് സഹായം തേടി നിലവിളിക്കുന്നതും കാണാമായിരുന്നുവെന്ന് ഇയാള്‍ പറഞ്ഞു.

മൂന്ന് ദിവസം മുമ്ബ് കാബൂളില്‍ മിലിട്ടറി എയര്‍പോര്‍ട്ടിന് സമീപമുണ്ടായ സ്ഫോടനത്തില്‍ പത്ത് പേര്‍ കൊല്ലപ്പെട്ടിരുന്നു.

അഫ്ഗാനിസ്ഥാനില്‍ 2021 ആഗസ്റ്റില്‍ താലിബാന്‍ അധികാരമേറ്റെടുത്തതിന് ശേഷം ഐസിസ് നടത്തിയ നിരവധി സ്ഫോടനങ്ങളില്‍ നൂറുകണക്കിന് സാധാരണക്കാരാണ് ഇതുവരെ കൊല്ലപ്പെട്ടത്.