Agriculture

Entertainment

January 28, 2023

BHARATH NEWS

Latest News and Stories

ചാരവൃത്തി ആരോപണം; ഇറാനിലെ മുൻ പ്രതിരോധ വകുപ്പ് മന്ത്രിയെ തൂക്കിലേറ്റി .

ടെഹ്റാന്‍:രാജ്യത്തിനെതിരായി ചാരവൃത്തി നടത്തി എന്നാരോപിച്ച്‌ ഇറാന്‍ മുന്‍ പ്രതിരോധ വിദേശകാര്യ വകുപ്പ് സഹമന്ത്രി അലിറേസ അക്‌ബറിയയെ തൂക്കിലേറ്റി.ഇറാന്‍ പരമോന്നത കോടതിയുടെ വിധി പ്രകാരമായിരുന്നു ശിക്ഷ.ബ്രിട്ടണിലെ ചാര സംഘടനയായ എം 16ന് വേണ്ടി ചാര പ്രവര്‍ത്തനങ്ങളില്‍ ഏര്‍പ്പെട്ടുവെന്നായിരുന്നു ആരോപണം.

എന്നാല്‍ അക്‌ബറിയയെ തൂക്കിലേറ്റിയത് തികച്ചും പ്രാകൃതമായ നടപടിയാണെന്നും ഇതിന് ഇറാന്‍ മറുപടി പറയണമെന്നും ബ്രിട്ടണ്‍ പ്രതികരിച്ചു.ബ്രിട്ടീഷ്, ഇറാന്‍ പൗരത്വമുള്ള വ്യക്തിയാണ് വധശിക്ഷയ്ക്ക് വിധേയനാക്കിയ അക്‌ബറിയ.വധശിക്ഷയില്‍ ഞെട്ടിപ്പോയെന്നും സ്വന്തം ജനങ്ങളുടെ മനുഷ്യാവകാശങ്ങളോട് യാതൊരു ബഹുമാനവുമില്ലാത്ത ഭരണകൂടം നടത്തിയ നിഷ്ഠൂരമായ നടപടിയാണിതെന്നും സംഭവത്തില്‍ ബ്രിട്ടീഷ് പ്രധാനമന്ത്രി ഋഷി സുനക് പ്രതികരിച്ചു.

ഇറാന്‍ സര്‍ക്കാരിനെ അനുകൂലിക്കുന്ന മാധ്യമങ്ങള്‍ അക്‌ബറിയയുടെ ഒരു വീഡിയോ സമൂഹമാധ്യമങ്ങള്‍ വഴി പുറത്തുവിട്ടിരുന്നു.അതില്‍ താന്‍ ബ്രിട്ടനുവേണ്ടി ചാരപ്രവര്‍ത്തി ചെയ്തു എന്ന് സമ്മതിക്കുന്ന ദൃശ്യങ്ങള്‍ ഉണ്ടായിരുന്നു.2019ലാണ് അക്‌ബറിയയെ ഇറാന്‍ അറസ്റ്റ് ചെയ്തത്. ഇറാന്റെ പ്രതിരോധ മേഖലയില്‍ സുപ്രധാന സ്ഥാനങ്ങള്‍ കൈകാര്യം ചെയ്ത വ്യക്തിയായിരുന്നു അലിറേസ അക്‌ബറിയ.