വ്യാജ വാര്‍ത്തകള്‍ തടയാനുള്ള പദ്ധതികളുമായി ഐടി മന്ത്രാലയം .

ന്യൂഡല്‍ഹി: പ്രസ് ഇന്‍ഫര്‍മേഷന്‍ ബ്യൂറോയുടെ ഫാക്‌ട് ചെക്കിങ് യൂണിറ്റ് വ്യാജമെന്ന് പ്രചരിപ്പിക്കുന്ന വാര്‍ത്തകള്‍ സോഷ്യല്‍ മീഡിയ പ്ലാറ്റ്‌ഫോമുകള്‍ ഉള്‍പ്പടെയുള്ള എല്ലാ ഇടങ്ങളില്‍ നിന്നും നീക്കം ചെയ്തിരിക്കണമെന്ന് ഐ.ടി.

മന്ത്രാലയം. ഐ.ടി. നിയമ ഭേദഗതി കരടിലാണ് മന്ത്രാലയത്തിന്‍്റെ നിര്‍ദേശം. നിര്‍ദ്ദേശം ജനുവരി 17നാണ് മന്ത്രാലയത്തിന്‍റെ വെബ്സൈറ്റില്‍ അപ്ലോഡ് ചെയ്തത്. ഗെയിമിംഗ് പ്ലാറ്റ്ഫോമുകള്‍ക്കുള്ള നിയന്ത്രണങ്ങളും ഭേദഗതിയില്‍ ഉള്‍പ്പെടുന്നു.

അതേസമയം, ഈ നിര്‍ദ്ദേശം പ്രാബല്യത്തില്‍ വന്നാല്‍, പി ബി ഐ വ്യാജമെന്ന് മുദ്രകുത്തപ്പെടുന്ന ഏത് വാര്‍ത്തയും പിന്‍വലിക്കേണ്ടിവരും. സര്‍ക്കാരുകള്‍ ഇഷ്ടാനുസരണം നിയമം ദുരുപയോഗം ചെയ്തേക്കുമെന്ന ആശങ്കയുമുണ്ട്. വെബ്സൈറ്റുകളില്‍ മറ്റുള്ളവര്‍ പങ്കിടുന്ന മൂന്നാം കക്ഷി ഉള്ളടക്കത്തിന്‍റെ നിയമപരമായ ബാധ്യതയില്‍ നിന്ന് പരിരക്ഷിക്കപ്പെടണമെങ്കില്‍ ഈ നിര്‍ദ്ദേശം പാലിക്കേണ്ടതുണ്ട്.

സോഷ്യല്‍ മീഡിയ വെബ്സൈറ്റുകള്‍, ഇന്‍റര്‍നെറ്റ് സേവന ദാതാക്കള്‍, വെബ് ഹോസ്റ്റിംഗ് സേവന ദാതാക്കള്‍ എന്നിവരെ ലക്ഷ്യമിട്ടാണ് പുതിയ നിര്‍ദ്ദേശങ്ങള്‍. പുതിയ നിര്‍ദ്ദേശം അനുസരിച്ച്‌, പിഐബിയോ സര്‍ക്കാരിന്‍്റെ ഏതെങ്കിലും ഫാക്‌ട് ചെക്ക് വിഭാഗമോ വ്യാജവും തെറ്റുമാണെന്ന് കണ്ടെത്തിയ ഉള്ളടക്കത്തിലേക്കുള്ള ലിങ്കുകള്‍ തടയാന്‍ ഇന്‍റര്‍നെറ്റ് സേവന ദാതാക്കള്‍ ബാധ്യസ്ഥരാണ്.