Agriculture

Entertainment

January 28, 2023

BHARATH NEWS

Latest News and Stories

ഇനി അൻഡമാൻ ദ്വീപുകൾക് പുതിയ ചരിത്രം.

ന്യൂഡല്‍ഹി: ആന്‍ഡമാന്‍ നിക്കോബാറിലെ 21 ദ്വീപുകള്‍ക്ക് പരംവീര്‍ ചക്ര ജേതാക്കളുടെ പേര് നല്‍കി .ഇത് രാജ്യത്തിന് വലിയ സന്ദേശം നല്‍കുന്നുവെന്ന് മോദി പറഞ്ഞു. ദ്വീപുകള്‍ക്ക് പരംവീര്‍ ചക്ര പുരസ്‌കാരം ലഭിച്ചവരുടെ പേര് നല്‍കുന്നത് യുവാക്കള്‍ അടക്കമുള്ളവര്‍ക്ക് പ്രചോദനമാകുമെന്നും അദ്ദേഹം കൂട്ടിച്ചേര്‍ത്തു.

കൊളോണിയല്‍ ഓര്‍മകള്‍ നല്‍കുന്ന പേരുകളായിരുന്നു ദ്വീപുകളുടേത്. ഏക് ഭാരത് ശ്രേഷ്ഠ ഭാരത് എന്നത് സായുധ സേനയുടെ ധീരതയുടെ സന്ദേശം നല്‍കുന്നതാണ്. ത്രിവര്‍ണ പതാക ആദ്യമായി ഉയര്‍ന്നത് ആന്‍ഡമാനിലാണ്. പുതിയതായി നിര്‍മിക്കുന്ന ദേശീയ സ്മാരകത്തിന്റെ മാതൃകയും പ്രധാനമന്ത്രി അനാച്ഛാദനം ചെയ്തു.

ആൻഡമാൻ ദ്വീപുകളുടെ ഭാഗമായ റോസ് ദ്വീപുകളെ 2018-ൽ മോദി നേതാജി സുഭാഷ് ചന്ദ്രബോസ് ദ്വീപ് എന്ന് പുനർനാമകരണം ചെയ്തു, നീൽ ദ്വീപ്, ഹാവ്‌ലോക്ക് ദ്വീപ് എന്നിവ യഥാക്രമം ഷഹീദ് ദ്വീപ്, സ്വരാജ് ദ്വീപ് എന്നിങ്ങനെ പുനർനാമകരണം ചെയ്തു.

21 പരമവീര ചക്ര അവാർഡ് ജേതാക്കളുടെ പേരിലാണ് മറ്റു ദ്വീപുകൾക്ക് പേര് നൽകിയിരിക്കുന്നത്. മേജർ സോമനാഥ് ശർമ്മ; സുബേദാർ, ഹോണി ക്യാപ്റ്റൻ ( ലാൻസ് നായിക്) കരം സിംഗ്, എംഎം; രണ്ടാം ലെഫ്റ്റനന്റ് രാമ രഘോബ റാണെ; നായക് ജാദുനാഥ് സിംഗ്; കമ്പനി ഹവിൽദാർ മേജർ പിരു സിംഗ്; ക്യാപ്റ്റൻ ജിഎസ് സലാരിയ; ലെഫ്റ്റനന്റ് കേണൽ ( മേജർ) ധന് സിംഗ് ഥാപ്പ; സുബേദാർ ജോഗീന്ദർ സിംഗ്; മേജർ ഷൈതാൻ സിംഗ്; CQMH. അബ്ദുൾ ഹമീദ്; ലഫ്റ്റനന്റ് കേണൽ അർദേശിർ ബർസോർജി താരാപൂർ; ലാൻസ് നായിക് ആൽബർട്ട് എക്ക; മേജർ ഹോഷിയാർ സിംഗ്; രണ്ടാം ലെഫ്റ്റനന്റ് അരുൺ ഖേത്രപാൽ; ഫ്ലയിംഗ് ഓഫീസർ നിർമ്മൽജിത് സിംഗ് സെഖോൺ; മേജർ രാമസ്വാമി പരമേശ്വരൻ; നായിബ് സുബേദാർ ബനാ സിംഗ്; ക്യാപ്റ്റൻ വിക്രം ബത്ര; ലഫ്റ്റനന്റ് മനോജ് കുമാർ പാണ്ഡെ; സുബേദാർ മേജർ ( റൈഫിൾമാൻ) സഞ്ജയ് കുമാർ; സുബേദാർ മേജർ റിട്ട. (ഹോണി ക്യാപ്റ്റൻ) ഗ്രനേഡിയർ യോഗേന്ദ്ര സിംഗ് യാദവ്. എന്നീ ധീര സൈനികരുടെ പേരിൽ ഇനി ദ്വീപ് സമൂഹങ്ങൾ അറിയപ്പെടും.