ടാറ്റ അൾട്രോസ് കേരള വിപണിയിൽ

കൊച്ചി: ടാറ്റ മോട്ടോഴ്‌സിന്റെ ആദ്യ പ്രീമിയം ഹാച്ച് ബാക്ക് മോഡലായ അള്‍ട്രോസ് കേരള വിപണിയിലെത്തി. അഞ്ച് പ്രധാന വേരിയന്റുകളാണ് അള്‍ട്രോസിനുള്ളത്. രാജ്യത്തുടനീളമുള്ള ടാറ്റ മോട്ടോര്‍സ് ഡീലര്‍ഷിപ്പുകള്‍ നിന്നും അള്‍ട്രോസ് ലഭ്യമാകും. പെട്രോള്‍ വേരിയന്റിന് 5.29 ലക്ഷം രൂപയും ഡീസല്‍ വേരിയന്റിന് 6.99 ലക്ഷം രൂപയുമാണ് ആരംഭ വില.

പുതിയ ആല്‍ഫ ആര്‍കിടെക്ച്ചറില്‍ വികസിപ്പിച്ച ആദ്യത്തെ വാഹനവും ഇംപാക്റ്റ് 2.0 ഡിസൈന്‍ ഭാഷയിലെ രണ്ടാമത്തെ വാഹനവുമാണ് അള്‍ട്രോസ്. ശ്രദ്ധേയമായ രൂപകല്‍പ്പന, വാഹന ലോകത്തെതന്നെ ആദ്യമായി അവതരിപ്പിക്കുന്ന സവിശേഷതകള്‍, ഗ്ലോബല്‍ എന്‍ സി എ പിയുടെ ഫൈവ് സ്റ്റാര്‍ റേറ്റിംഗ് എന്നിവ സുരക്ഷ, ഡിസൈന്‍, ടെക്‌നോളജി, ഡ്രൈവിംഗ് ഡൈനാമികസ്, ഉപഭോക്തൃ ആനന്ദം എന്നിവയില്‍ ഒരു ഗോള്‍ഡ് സ്റ്റാന്‍ഡേര്‍ഡ് സജ്ജമാക്കിയിട്ടുണ്ട്. ഉപഭോക്താക്കളെ പ്രലോഭിപ്പിക്കുന്നതിനായി തയ്യാറാക്കിയിരിക്കുന്ന ആല്‍ട്രോസ് ആറ് വ്യത്യസ്ത ഫാക്ടറി ഫിറ്റഡ് കസ്റ്റമൈസബിള്‍ ഓപ്ഷനുകളുമായിട്ടാണ് എത്തുന്നത്.

‘ഞങ്ങളുടെ പ്രീമിയം ഹാച്ച്ബാക്കായ ടാറ്റാ ആള്‍ട്രോസ് വിപണിയില്‍ അവതരിപ്പിച്ചതില്‍ ഞങ്ങള്‍ക്ക് സന്തോഷമുണ്ട്. 5 സ്റ്റാര്‍ ഗ്ലോബല്‍ എന്‍സിഎപി റേറ്റിംഗ് ലഭിച്ച രണ്ടാമത്തെ ഇന്ത്യന്‍ കാറും ടാറ്റയുടെ രണ്ടാമത്തെ വാഹനവുമാണ് അള്‍ട്രോസ്. അതിനാല്‍ തന്നെ ടാറ്റ അഭിമാനിക്കുന്ന ഒരു ഉല്‍പ്പന്നമാണിത്. സുരക്ഷ, ഡിസൈന്‍, ടെക്‌നോളജി, ഡ്രൈവിംഗ് ഡൈനാമിക്‌സ്, കസ്റ്റമര്‍ ഡിലൈറ്റ് എന്നിവയിലെ ഗോള്‍ഡ് സ്റ്റാന്‍ഡേര്‍ഡിന്റെ യഥാര്‍ത്ഥ പ്രതിനിധിയാണ് അള്‍ട്രോസ്. ഈ ഉല്‍പ്പന്നം ഞങ്ങളുടെ ഉപയോക്താക്കള്‍ക്ക് മികച്ച ഡ്രൈവിംഗ് അനുഭവം നല്‍കുമെന്ന് മാത്രമല്ല, പ്രീമിയം ഹാച്ച്ബാക്ക് വിഭാഗത്തിലേക്ക് ചുവടുവെക്കുമ്പോള്‍ പുതിയ മാനദണ്ഡങ്ങള്‍ സൃഷ്ടിക്കുകയും ചെയ്യുമെന്ന് ഞങ്ങള്‍ക്ക് ഉറപ്പുണ്ട്. ‘ടാറ്റ മോട്ടോഴ്‌സിന്റെ ചീഫ് ടെക്‌നോളജി ഓഫീസര്‍ രാജേന്ദ്ര പെറ്റ്കര്‍ അഭിപ്രായപ്പെട്ടു.

സുരക്ഷയുടെ ഗോള്‍ഡ് സ്റ്റാന്‍ഡേര്‍ഡ്

5 സ്റ്റാര്‍ ഗ്ലോബല്‍ എന്‍ സി എ പി റേറ്റിങ്ങോടു കൂടി ആല്‍ട്രോസ് സുരക്ഷയില്‍ ഗോള്‍ഡ് സ്റ്റാന്‍ഡേര്‍ഡ് സജ്ജമാക്കുന്നു. അഡ്വാന്‍സ്ഡ് ആല്‍ഫ ആര്‍ക്കിടെക്ചര്‍, എബിഎസ്, ഇബിഡി, സിഎസ്‌സി, ഡ്യുവല്‍ എയര്‍ബാഗുകള്‍ പോലുള്ള മികച്ച ഇന്‍ക്ലാസ് സുരക്ഷാ സവിശേഷതകളോടെയാണ് കാര്‍ വരുന്നത്. ഈ സമഗ്ര സുരക്ഷാ സംവിധാനവും ഊര്‍ജ്ജം ആഗിരണം ചെയ്യുന്ന ആല്‍ഫ ആര്‍കിടെക്ച്ചറും ടാറ്റാ ആല്‍ട്രോസിലെ യാത്രക്കാര്‍ക്ക് ലോകോത്തര സുരക്ഷ ഉറപ്പാക്കുന്നു.

ഡിസൈനില്‍ ഗോള്‍ഡ് സ്റ്റാന്‍ഡേര്‍ഡ്

ഇംപാക്റ്റ് 2.0 ഡിസൈന്‍ തത്ത്വചിന്തയെ അടിസ്ഥാനമാക്കി ഒരുക്കിയിരിക്കുന്ന ടാറ്റ ആല്‍ട്രോസിന്റെ ഫ്യൂച്ചറിസ്റ്റിക് ഡിസൈനില്‍ ആധുനികവും ബുദ്ധിപരവുമായി രൂപകല്‍പ്പന ചെയ്തതുമായ ഇന്റീരിയറുകള്‍ അടങ്ങിയിരിക്കുന്നു. 90 ഡിഗ്രി തുറക്കുന്ന വാതിലുകള്‍ യാത്രക്കാര്‍ക്ക് വാഹനത്തിന് അകത്തേക്കും പുറത്തേക്കും പോകാന്‍ മതിയായ ഇടമുണ്ടെന്ന് ഉറപ്പാക്കുന്നു. ഇന്റീരിയറുകളില്‍ ലേസര്‍ കട്ട് അലോയ് വീലുകളും പ്രീമിയം ബ്ലാക്ക് പിയാനോ ഫിനിഷും സമാനതകളില്ലാത്ത റോഡ് സാന്നിധ്യത്തിന് കാരണമാവുകയും ഉപഭോക്താവിന് മികച്ച സ്‌റ്റൈല്‍ ഉറപ്പാക്കുകയും ചെയ്യുന്നു .

ടെക്‌നോളജിയില്‍ ഗോള്‍ഡ് സ്റ്റാന്‍ഡേര്‍ഡ്

17.78 സെന്റിമീറ്റര്‍ ടച്ച്‌സ്‌ക്രീന്‍ ഹര്‍മാന്‍ ഇന്‍ഫോടെയ്ന്‍മെന്റ്, ക്ലാസ് ലീഡിംഗ് അക്കോസ്റ്റിക്‌സ് എന്നിവ ഉപയോഗിച്ച് സജ്ജീകരിച്ചിരിക്കുന്ന ആള്‍ട്രോസിന് വോയ്‌സ് കമാന്‍ഡ് റെക്കഗ്‌നിഷന്‍, ആപ്പിള്‍ കാര്‍ പ്ലേ, ആന്‍ഡ്രോയിഡ് ഓട്ടോ, ടേണ്‍ബൈടേണ്‍ സവിശേഷത എന്നിവ സമാനതകളില്ലാത്ത അനുഭവം പ്രദാനം ചെയ്യുന്നു.

ഡ്രൈവിംഗ് ഡൈനാമിക്‌സിന്റെ ഗോള്‍ഡ് സ്റ്റാന്‍ഡേര്‍ഡ്

കരുത്തുറ്റ പെട്രോള്‍, ഡീസല്‍ എഞ്ചിനുകള്‍ക്കൊപ്പം മികച്ച സസ്‌പെന്‍ഷനോടുകൂടിയ ആള്‍ട്രോസ് ഉപഭോക്താവിന് ചലനാത്മക ഡ്രൈവിംഗ് അനുഭവം നല്‍കുന്നു. മള്‍ട്ടി ഡ്രൈവ് മോഡുകള്‍ക്കൊപ്പം ക്രൂയിസ് കണ്‍ട്രോള്‍ സവിശേഷത നഗരത്തിലും ഹൈവേയിലും സുഖപ്രദമായ ഡ്രൈവിംഗ് ഉറപ്പാക്കുന്നു.

ഉപഭോക്തൃ ആനന്ദത്തിലെ ഗോള്‍ഡ് സ്റ്റാന്‍ഡേര്‍ഡ്

ഫ്‌ലാറ്റ് റിയര്‍ ഫ്‌ലോര്‍, റിയര്‍ എസി വെന്റുകള്‍, ക്യാബിന്‍ സ്‌പേസ്, 24 യൂട്ടിലിറ്റി സ്‌പെയ്‌സുകള്‍ എന്നിവ ഡ്രൈവിംഗ് അനുഭവം സൗകര്യപ്രദവും സുഖകരവുമാണെന്ന് ഉറപ്പാക്കുന്നു. വിശാലമായ ഇന്റീരിയറുകളും ധരിക്കാവുന്ന കീ ഫോബും ഉപഭോക്താവിന് തടസ്സരഹിതമായ അനുഭവം പ്രദാനം ചെയ്യുന്നു.