തിരിച്ചുവിളിക്കാനുള്ള പ്രതിപക്ഷ നീക്കത്തെ സ്വാഗതം ചെയ്യുന്നുവെന്ന് ഗവർണർ

തിരുവനന്തപുരം: തന്നെ തിരിച്ചുവിളിക്കണമെന്നുള്ള പ്രതിപക്ഷത്തിന്റെ ആവശ്യം സ്വാഗതം ചെയ്യുന്നുവെന്ന് ഗവർണർ ആരിഫ് മുഹമ്മദ് ഖാൻ. തന്റെ ചുമതലയാണ് താൻ നിർവഹിക്കുന്നത്. തന്നെ നിയമിച്ചത് രാഷ്ട്രപതിയാണ്. തന്നെ മാറ്റാൻ പ്രമേയം പാസ്സാക്കണമെന്ന പ്രതിപക്ഷ അഭിപ്രായം സ്വാഗതം ചെയ്യുന്നുവെന്നും ഗവർണർ പ്രതികരിച്ചു.

ഭരണഘടന പ്രകാരം സംസ്ഥാനത്തിന്റെ ഭരണഘടനാ തലവലാണ് ഗവർണർ. ഭരണഘടന സംരക്ഷിക്കേണ്ടത് തന്റെ ചുമതലയാണ്. സർക്കാരിനെ ഉപദേശിക്കാനും തിരുത്താനുമുള്ള അവകാശമുണ്ട്. എല്ലാവർക്കും അഭിപ്രായം പറയാനുള്ള അവകാശമുണ്ട്. കേന്ദ്ര സർക്കാരിനെതിരേ സുപ്രീം കോടതിയെ സമീപിച്ചത് തെറ്റാണെന്നും ഗവർണർ ആരിഫ് മുഹമ്മദ് ഖാൻ പറഞ്ഞു.

ഗവർണറെ തിരിച്ചുവിളിക്കാൻ രാഷ്ട്രപതിയോട് ആവശ്യപ്പെടുമെന്ന് പ്രതിപക്ഷ നേതാവ് രമേശ് ചെന്നിത്തല പറഞ്ഞിരുന്നു. ഇത് സംബന്ധിച്ച് സംസ്ഥാന നിയമസഭയിൽ പ്രമേയം അവതരിപ്പിക്കും. പ്രമേയത്തിനായി സ്പീക്കർക്ക് നോട്ടീസ് നൽകിയിട്ടുണ്ടെന്നും ചെന്നിത്തല  പറഞ്ഞു.