Agriculture

Entertainment

August 8, 2022

BHARATH NEWS

Latest News and Stories

തബ്‌ലീഗ് സമ്മേളനത്തില്‍ പങ്കെടുത്ത 200 പേര്‍ക്ക് കൊറോണ ലക്ഷണങ്ങള്‍

ന്യൂഡല്‍ഹി: ന്യൂഡല്‍ഹിയിലെ നിസാമുദ്ദീനില്‍ മാര്‍ച്ച് 17 മുതല്‍ 19 വരെ നടന്ന തബ്‌ലീഗ് ജമാഅത്ത് ഏഷ്യാ സമ്മേളനത്തില്‍ പങ്കെടുത്ത 200 പേര്‍ക്ക് കൊറോണ. ഇവരെ കൊറോണ ലക്ഷണങ്ങളോടെ ആശുപത്രിയില്‍ പ്രവേശിപ്പിച്ചു.

ഇന്ത്യയില്‍ കൊറോണ ബാധിച്ചശേഷം ഇത്രയും പേരെ ഒരുമിച്ച് രോഗബാധ സംശയിച്ച് ആശുപത്രിയിലാക്കുന്നത് ആദ്യമാണ്. ഈ പ്രദേശത്ത് ലോക്ക് ഡൗണ്‍ ശക്തമാക്കിയിട്ടുണ്ട്. 2000 ത്തോളം പേരെ വീടുകളില്‍ ഏകാന്ത നിരീക്ഷണത്തിലാക്കിയിട്ടുണ്ട്.

സമ്മേളനത്തില്‍ 3000 ത്തിലേറെ പേര്‍ പങ്കെടുത്തു എന്നാണ് കരുതുന്നത്. ഇന്തോനേഷ്യ, മലേഷ്യ, കിര്‍ഗിസ്ഥാന്‍, സൗദി അറേബ്യ എന്നീ വിദേശരാജ്യങ്ങളില്‍ നിന്നുള്ള പ്രതിനിധികളും പങ്കെടുത്തിരുന്നു. ഇന്ത്യയിലെ എല്ലാ സംസ്ഥാനങ്ങളില്‍ നിന്നും പ്രതിനിധികള്‍ എത്തിയിരുന്നു. യു പിയിലെ ദേവ്ബന്ദ് ദാറുല്‍ഉലൂമിലേക്കും മറ്റു പല പ്രദേശങ്ങളിലേക്കും പ്രതിനിധികള്‍ പിന്നീട് യാത്ര പോയതായും അന്വേഷണത്തില്‍ സ്ഥിരീകരിച്ചിട്ടുണ്ട്.