പെട്രോളിനും ഡീസലിനും വില കൂടി

ഇന്ധന വില വര്‍ദ്ധിപ്പിച്ചു. 60 പൈസ വീതമാണ് രണ്ടിനും വര്‍ദ്ധിപ്പിച്ചിരിക്കുന്നത്. മാര്‍ച്ച് 17 ന് ആയിരുന്നു അവസാനമായി വില കൂട്ടിയത്. 80 ദിവസങ്ങള്‍ക്ക് ശേഷമാണ് പെട്രോളിനും ഡീസലിനും എണ്ണ കമ്പനികള്‍ വില കൂട്ടുന്നത്.

കോവിഡ് വ്യാപനത്തിന്റെ പശ്ചാത്തലത്തില്‍ എണ്ണ വില പുതുക്കുന്നത് നിര്‍ത്തിവച്ചിക്കുകയായിരുന്നു. കഴിഞ്ഞമാസം കേന്ദ്ര സര്‍ക്കാര്‍ പെട്രോളിന് 10 രൂപ എക്‌സൈസ് ഡ്യൂട്ടിയും ഡീസലിന് 13 രൂപയും വര്‍ദ്ധിപ്പിച്ചിരുന്നു. എന്നാല്‍, ഈ വര്‍ദ്ധനവ് റീട്ടെയില്‍ വിലയില്‍ പ്രതിഫലിച്ചിരുന്നില്ല.

പുതിയ നിരക്കനുസരിച്ച് കൊച്ചിയില്‍ പെട്രോളിന് 72.32 ഉം ഡിസലിന് 66.48 ഉം ആയിരിക്കും വില. മറ്റ് പ്രധാന നഗരങ്ങളിലെ വില ഇപ്രകാരമാണ്; ന്യൂഡല്‍ഹി പെട്രോള്‍ 71.86, ഡീസല്‍ 69.99. മുംബൈപെട്രോള്‍ 78.91, ഡീസല്‍ 68.79. ചെന്നൈ പെട്രോള്‍ 76.07, ഡീസല്‍ 68.74. ഹൈദരാബാദ് പെട്രോള്‍ 74.61, ഡീസല്‍ 68.42. ബെംഗളൂരു പെട്രോള്‍ 74.18, ഡീസല്‍ 66.54.