Agriculture

Entertainment

January 31, 2023

BHARATH NEWS

Latest News and Stories

ചൈന പാവമാണ് , വേദനിപ്പിക്കരുത് ; ആക്രമിച്ചാൽ പോലും തിരിച്ചടിക്കുകയോ , ഒറ്റപ്പെടുത്തുകയോ ചെയ്യരുത് ; ചൈന അനുകൂല ഇന്ത്യ വിരുദ്ധ നിലപാടുമായി പ്രകാശ് കാരാട്ട്

ന്യൂഡല്‍ഹി : അതിര്‍ത്തിയില്‍ സംഘര്‍ഷത്തിനു കാരണം ഇന്ത്യയാണെന്ന് വ്യക്തമാക്കി സിപിഎം മുന്‍ ജനറല്‍ സെക്രട്ടറിയും പോളിറ്റ് ബ്യൂറോ അംഗവുമായ പ്രകാശ് കാരാട്ട് . സിപിഎം മുഖമാസികയായ പീപ്പിള്‍സ് ഡെമോക്രസിയില്‍ എഴുതിയ മുഖപ്രസംഗത്തിലാണ് മാസികയുടെ എഡിറ്റര്‍ കൂടിയായ കാരാട്ടിന്റെ ചൈന അനുകൂലവും ഇന്ത്യ വിരുദ്ധവുമായ നിലപാട്.

അതിർത്തിയിലെ സംഘർഷത്തിനു കാരണം ഇന്ത്യയുടെ നിലപാടുകളാണ് . കോവിഡ് വ്യാപനം ഉണ്ടായപ്പോള്‍ ചൈനയിലെ ലാബില്‍ നിന്ന് പൊട്ടിപ്പുറപ്പെട്ടതാണെന്ന അമേരിക്കയുടെ വാദത്തെ ഇന്ത്യ പിന്തുണയ്ക്കുകയും ചൈനയെ ഒറ്റപ്പെടുത്തുകയും ചെയ്തു. ഇതു ചൈനയെ വേദനിപ്പിച്ചുണ്ടാകും. മാത്രമല്ല, ജമ്മു കശ്മീര്‍ വിഷയം വന്നപ്പോള്‍ പാക് അധീന കാശ്മീരുകള്‍ മാത്രമല്ല ചൈനയുടെ ഭാഗമായ അക്‌സായി ചിന്നും നമ്മുടെതാണെന്ന് ആഭ്യന്തരമന്ത്രി അമിത് ഷാ പ്രഖ്യാപിച്ചു. ഇതും ചൈനയെ വിഷമിപ്പിച്ചു.

മുന്‍കരാറുകള്‍ ലംഘിച്ച് ചൈനയുമായുള്ള അതിര്‍ത്തിയില്‍ റോഡ് നിര്‍മിച്ചതും സംഘര്‍ഷത്തിലേക്ക് വഴിവച്ചിട്ടുണ്ട്. ചൈനയുമായി ഇപ്പോഴും നല്ല ബന്ധം തുടരാന്‍ ആവശ്യമായ കാര്യങ്ങള്‍ക്കാണ് ഭരണകൂടം ഊന്നല്‍ നല്‍കേണ്ടത് . അല്ലാതെ അവരെ ആക്രമിക്കാൻ ശ്രമിക്കരുത്.

കൂടാതെ, പാക് അധീന കാശ്മീരില്‍ സൈനിക നടപടി ആവശ്യമെങ്കില്‍ സ്വീകരിക്കുമെന്നും വിദേശകാര്യമന്ത്രി എസ്. ജയ്ശങ്കര്‍ പറഞ്ഞു. ഇതെല്ലാം പ്രകോപനപരമാണ്. പാകിസ്ഥാനുമായി മാത്രമല്ല, ചൈന, നേപ്പാള്‍ തുടങ്ങിയ അയല്‍രാജ്യങ്ങളുമായും ഇന്ത്യ അതിര്‍ത്തി തര്‍ക്കത്തിലാണ്. ബിജെപിയുടെ ദേശീയതയും ഹിന്ദുത്വ ആശയങ്ങളുമാണ് പാകിസ്ഥാനും ,ചൈനയ്ക്കും വേദനയായിരിക്കുന്നതെന്നും കാരാട്ട് മുഖപ്രസംഗത്തില്‍ പറയുന്നു. ഇന്ത്യയുടെ 20 സൈനികരെ ചൈന വധിച്ചതിന്റെ വേദനയിൽ രാജ്യം ഒന്നടങ്കം തേങ്ങുമ്പോഴാണ് കാരാട്ടിന്റെ ചൈന അനുകൂല നിലപാട്.