Agriculture

Entertainment

January 31, 2023

BHARATH NEWS

Latest News and Stories

മണ്ണിനെ അറിഞ്ഞ മലയാളി കർഷകനെ തോൽപ്പിക്കാനാവില്ല ; അതിഥി തൊഴിലാളികള്‍ മടങ്ങി , കൃഷിപ്പണിയ്ക്കായി അന്യസംസ്ഥാനക്കാരെ ആശ്രയിക്കാതെ പാടത്തേക്കിറങ്ങി കർഷകർ

കൊച്ചി ; അതിഥി തൊഴിലാളികള്‍ സ്വദേശത്തേയ്ക്ക് മടങ്ങിയതോടെ കൃഷിപ്പണിക്കായി നാട്ടുകാരായ കര്‍ഷകര്‍ കൂട്ടത്തോടെ ഇറങ്ങി . മണിക്കൂറിന് നൂറ് രൂപ നിരക്കില്‍ നാട്ടുകാരായ തൊഴിലാളികളെ കൃഷിപ്പണിക്ക് ലഭ്യമാക്കുന്ന സംവിധാനമാണ് തൊടുപുഴ ആരക്കുഴയില്‍ തുടങ്ങിയത്.

ലോക് ഡൗണില്‍ അതിഥി തൊഴിലാളികളെല്ലാം നാട്ടിലേയ്ക്ക് വണ്ടി കയറിയതോടെ പലയിടത്തും കൃഷിപ്പണിക്ക് ആളെ കിട്ടാതായി. ഇതിന് പരിഹാരമായി തൊടുപുഴ ആരക്കുഴയിലെ നൂറോളം കൃഷിക്കാര്‍ ചേര്‍ന്ന് കര്‍ഷക ഐക്യവേദി തുടങ്ങി.

തരിശു ഭൂമി കണ്ടെത്തി കൃഷിയിറക്കുകയും, ആവശ്യക്കാര്‍ക്ക് തൊഴിലാളികളെ ലഭ്യമാക്കുകയും ചെയ്യും. മണിക്കൂറിന് നൂറു രൂപ, ആരക്കുഴയുടെ 5 കിലോമീറ്റര്‍ ചുറ്റളവില്‍ കര്‍ഷക തൊഴിലാളികള്‍ ലഭ്യമാണ്.

സ്വന്തം മണ്ണില്‍ മാത്രം പണിയെടുത്തിരുന്ന ഇവരെല്ലാം ഇപ്പോള്‍ പുതിയ വരുമാന മാര്‍ഗം കൂടിയാണ് കണ്ടെത്തിയത്. സര്‍ക്കാരിന്റെ സുഭിക്ഷകേരളം പദ്ധതിയുമായി ചേര്‍ന്നാണ് തരിശു ഭൂമിയിലെ കൃഷി വ്യാപിപ്പിക്കുന്നത്. മണ്ണിനെ അറിഞ്ഞ മലയാളി കർഷകനെ തോൽപ്പിക്കാൻ ഒരു കോവിഡിനുമാവില്ല എന്നതാണ് സത്യം.